මීට් බෝල්ස් කට්ලට්

⭐️අවශ්‍ය ද්‍රව්‍ය

මිට් බෝල්ස් ග්‍රෑම් 150ක්
පාන් පිටි මේස හැඳි 1 1/2ක්
බටර් මේස හැඳි 1 1/2ක්
අල ග්‍රෑම් 300ක්
ගම්මිරිස් කුඩු තේ හැඳි 01ක්
අමු මිරිස් කරල් 02ක්
බිත්තර කහමද 02ක්
බිත්තර සුදු මද
ලුණු අවශ්‍ය පදමට
බිස්කට් කුඩු
තෙල්

⭐️සාදන ක්‍රමය

අල සියල්ලම හොඳින් තම්බා පොතු ඉවත් කර සිහින් වන තුරු පොඩි කර ගන්න. ඉන් පසු බටර් රත් කොට එයට සිහින්ව කැපු අමු මිරිස් හා පිටි එක්කරන්න. ටික වේලාවක් හැන්දි ගාමින් පිස එයට හොදින් පොඩි කර ගත් අල ටික එක්කර ගන්න. ඉන් පසු ගම්මිරිස්, ලුණු, බිත්තර කහ මද, ලුණු එක්කර හොදින් කවලම් කර මිශ්‍රනය සදා ගන්න. ඉන් පසු පිස ගන්නා ලද මිට් බෝල්ස් මැදට සිටින් සේ සකසා ගන්නා ලද මිශ්‍රණය වටේට තබා රවුම් කර ගන්න. ඉන් පසු සාදා ගන්නා ලද බෝල වල බිත්තර සුදු මද තවරා බිස්කට් කුඩු දවටා ගැඹුරු තේලේ බැද ගන්න.