බිම්මල් වෑංජනය

⭐️අවශ්‍ය ද්‍රව්‍ය

බිම් හතු 25ක්
බැදගත් උළුහාල් තේහැඳි 1ක්
තලාගත් ඉඟුරු මේසහැඳි 1ක්
උම්බලකඩ මේසහැඳි 1 1/2ක්
කුරුඳු පොතු කැබලි 1ක්
රතුළුෑණු ගෙඩි 1ක්
අමු මිරිස් කරල් 4ක්
තළාගත් සුදුළුෑණු බික් 4ක්
පොල් කිරි කෝප්ප 2ක්
බැදපු තුනපහ කුඩු තේහැඳි 1ක්
කහ කුඩු තේහැඳි 1/2ක්
තුනපහ කුඩු මේසහැඳි 1ක්
මිරිස් කුඩු මේසහැඳි 1ක්
ලුණු කුඩු
රම්ප
කරපිංචා

⭐️සාදන ක්‍රමය

හතු කැබලි වලට කපා ලුණු වතුරේ දමා ස්වල්ප වෙලාවක් තම්බන්න.ඉන් පසු සෝදා භාජනයකට දමන්න. ඉන් පසු බදුනකට තෙල් වත් කර එයට ඉඟුරු, රතු ළුෑණු, සුදු ළුෑණු, උම්බලකඩ, කුරුඳුපොතු, රම්ප, කරපිංචා, අමු මිරිස්, දමා රන්වන් පාට වනතුරු බැදගන්න.ඉන් පසු එයට හතු එක්කර මිරිස් තුනපහ එක්කර හොඳින් කවලම් කරන්න. හතු හොඳින් තැම්බුනාට පසු කිරි එක්කර නටවා ලිපේන් ඉවත් කරන්න.